الكبير مدرب الرجاء: غندخلو مرحلة صعبة ومهمة وكلشي خاصوا يتجمع على الفريق

أكد منذر الكبير مدرب الرجاء الرياضي أن المرحلة المقبلة غتكون مهمة بالنسبة للفريق، حيث حاسمة بعدد من المنافسات اللي مشاركة فيها الخضرا اللي كتعاني بسبب الأزمة المالية.
وقال منذر الكبير مدرب الرجاء الرياضي قبل ماتش الفريق مع سيمبا التنزاني بعصبة أبطال إفريقيا: "غندخلو في مرحلة مهمة، وكنشكر اللاعبين على المجهود اللي عطاو في رمضان، والجماهير اللي دعمت النادي ماليا ومعنويا في هذه المرحلة الصعبة اللي كيعيشها وراه حاسين بالمجهودات اللي كيقوموا بها والتضحيات الكبيرة ديالهم".
وكمل الكبير: "حنا مقبلين على مرحلة نهاية نهاية الموسم اللي كتلعب على ديطاي صغيرة، وكنتمناو نستغلوها لمصلحتنا، وراه الرجاء أكد أنه فوقت الشدة كلشي كيتجمع على الفريق وكنتمنى نتقواو بهذا الشي".