المنتخب سالا الاستعدادات لماتش البيرو وها الغيابات اللي عرفتها آخر حصة تدريبة ديال الأسود – تصاور

سالا المنتخب الوطني المغربي الاستعدادات ديالو لمواجهة منتخب البيرو فماتش ودي، غيتلعب يوم غدا الثلاثاء بالعاصمة الإسبانية مدريد.
الحصة التدريبية الأخيرة ديال المنتخب الوطني المغربي قبل مواجهة البيرو اللي تجرأت اليوم الاثنين فالعشية، عرفت حضور جميع اللاعبين بإستثناء عز الدين اوناحي وأشرف حكيمي ورضا التكناوتي اللي كانوا غايبين حيث موعتين.
صور الحصة التدريبية الأخيرة للمنتخب الوطني قبل لقاء الغد أمام منتخب بيرو ????????
????Last training session before tomorrow's game against Peru #DimaMaghrib ???????? #AtlasLions #TeamMorocco pic.twitter.com/Lk3orQLwJ8
— Équipe du Maroc (@EnMaroc) March 27, 2023
الأجواء خلال التداريب بالحصة الأخيرة اللي تجرات بمقر تدريب ريال مدريد، كانت زوينة والمورال كان طالع عند اللاعبين اللي كانوا ناشطين ووليد الركراكي والطاقم التقني وجدوهم بدنيا وذهنيا للماتش ديال غدا مع البيرو واللي معولين يربحوه.
للإشارة فماتش المنتخب الوطني المغربي ومنتخب البيرو هو ثاني مواجهة ودية الأسود خلال هذا المعسكر، من بعدما ربحوا البرازيل السبت الماضي بطنجة، ودابا باغيين يربحو البيرو فتيران متروبوليتانو بمدريد الإسبانية، باش يطلعوا فترتيب الفيفا.
pic.twitter.com/utTeFKEmJX
— Équipe du Maroc (@EnMaroc) March 27, 2023