البارصا ما كيفكروش فالتنازل على الزلزولي وتشافي باغيه يرجع

كيخطط فريق البارصا الإسباني لإعادة النجم المغربي عبد الصمد الزلزولي إلى الصفوف ديالو وما عندوش فكرة أنه يتنازل على الخدمات ديالو، من بعدما صيفطو إعارة مع بداية هذا الموسم إلى فريق أوساسونا اللي تألق معه بشكل لافت.
وحسب جريدة "موندو ديبورتيفو" الإسبانية واللي قريبة بزاف من البارصا، كشفت أن نوايا الأخير هي إعادة عبد الصمد الزلزولي إلى الفريق بمجرد ما يسالي العقد ديال إعارتو لفريق أوساسونا مع نهاية هذا الموسم، وهادشي بأوامر من المدرب تشافي هيرنانديز.
نفس المصدر، كشف بلي البارصا اللي جددت مع عبد الصمد الزلزولي حتى لعام 2026، قبل ما تخليه يمشي إعارة لأوساسونا تلقت عروض فالنجم المغربي، ولكن الفريق ما كيفكرش يتنازل على الخدمات ديالو وكيتسنى نهاية هذا الموسم باش يرجعو لعندو، خصوصا أنه غايشكل إضافة له فظل الأزمة المالية اللي عندو واللي كتخليه لا يقوم بصفقات كبيرة.