الجديدة والرجاء سالاو تعادل

سالا الماتش ما بين الرجاء الرياضي والدفاع الحسني الجديدي اليوم الثلاثاء فتيران العبدي بالجديدة، بالتعادل السلبي زيرو لزيرو بين الفريقين فالدورة 15 من الدوري الاحترافي المغربي.
المباراة بين الرجاء والدفاع الجديدي طغى عليها المستوى المتوسط والجانب التكتيكي من الفريقين، شي اللي تسبب فقلة الفرص ديال التسجيل، واخا تحركات فاخر اللحظات ولكن هادشي ما كانش كافي باش واحد من الفريقين يماركي هدف الرباح.
وتقاسمو الجديدة والرجاء النقاط ديال الماتش وكل فريق خذا نقطة، ودابا الرجاء عندهم 27 نقطة وكيحتلو المركز الثالث، والدكاليين عندهم 21 نقطة وكاينين فالمركز 6.