ها تشكيلة الوداد ضد السوالم والحمرا عينيها على الرباح والصدارة

غيكون مدرب الوداد الرياضي المهدي النفتي مضطر يعتامد على المدافع أمين فرحان أمام شباب السوالم هاد العشية فالدورة 14 من الدور الإحترافي، وهو اللاعب اللي غادي تكون عندو آخر فرصة يبين شنو عندو حيث صبح مرشح يمشي من الواك.
ومكونة تشكيلة الوداد الرياضي أمام الشباب السالمي من الكول التكناوتي، والمدافعين العملود، وزولا، وأبو الفتح، والداودي اللي غادي يكون ظهير أيسر، وفوسط التيران كاين جبران، والمترجي إسماعيل، وحيمود، والهجوم غيلعب فيه بوهرة، والحسوني، وأوناجم.
وغادي يبغي الوداد الرياضي يربح الماتش ضد السوالم باش يطلع لصدارة الدوري الاحترافي، حيث ليفار والفتح خسرو والفوز فماتش الليلة كيعني المركز الأول.