الرجاء محروم من زكرياء الوردي فالعصبة

ما غاديش يكون عند الرجاء الرياضي الحق فالاعتماد على اللاعب زكرياء الوردي فدوري أبطال إفريقيا، من بعدما رجع اللاعب للفريق الاخضر خلال الانتقالات الشتوية الحالية.
الرجاء غيتحرم من خدمات زكرياء الوردي فدوري أبطال إفريقيا، حيث اللاعب مسجل فلائحة الزمالك المصري اللي بدا معه الموسم ولعب معه الادوار الأولى من المسابقة، ومشى منو من بعدما عجز على التأقلم مع الفريق المصري وفسخ معه العقد بالتراضي.
زكرياء الوردي ومن بعدما يرجع الفورما ديالو حيث تراجع فمستواه بسبب الوضع الصعيب اللي داز منو الأشهر اللي فاتت بمصر، غادي يكتفي بالمشاركة مع الرجاء غير محليا فالبطولة الإحترافية وكأس العرش، أما إفريقيا ما غاديش يلعب مع الخضرا فدوري أبطال إفريقيا.