ها آخر أجل عند فرق البطولة باش تحل نزاعاتها إلى بغات دير انتدابات فهاذ الميركاتو

منحت العصبة الوطنية الاحترافية لكرة القدم مهلة للأندية الوطنية باش تحل مشاكلها المالية وتقدم ما يؤكد أن الميزانية ديالها بخير وما عندها نزاعات وما عليها ديون لا ديال اللعابا ولا ديال مستخدمين، باش تقدر تسني تعاقدات جداد فهاد الميركاتو وتدعم صفوفها.
وحددت العصبة الوطنية الاحترافية لكرة القدم برئاسة عبد السلام بلقشور يوم الخميس 12 يناير الجاري، كأخر أجل باش تتوصل بطلبات الأندية اللي عندها رغبة فرفع المنع المفروض عليها من طرف الجامعة الملكية المغربية لكرة القدم بسبب مشاكلها المالية.
ومطالبة الأندية اللي صادر فحقها قرار المنع من الانتدابات خلال الميركاتو الشتوي الحالي اللي بدا من 3 يناير الحالي وغادي مستمر حتى النهاية ديالو، (مطالبة) بتأكيد أنها قامت بتصفية كل نزاعاتها، وتأدية جميع أجور ومنح اللاعبين قبل من 31 دجنبر 2022 ، وأيضا إثبات الموارد المالية للنادي إلى غاية نهاية الموسم الجاري.