الركراكي: فرحان حيث فرحنا المغاربة باقي ما درنا والو وخاصنا نفكرو فماتش الربع

عبر الناخب الوطني وليد الركراكي على الفرحة ديالو بتأهل المنتخب الوطني المغربي لربع نهائي كأس العالم قطر 2022، لأول مرة فالتاريخ ديالو من بعدما ربح إسبانيا بالبيلانتيات وأكد بلي كيفكرو فالماتش الجاي.
وقال الركراكي فتصريح من بعد الماتش: "برافو على اللعابا اللي تقاتلو وراني عارف بلي المغرب غادي يتفركع بالفرحة دابا، عطينا كلشي فالماتش كلشي اللي عندنا، واللي كيهمنا هو نفرحو الشعب المغربي".
الناخب الوطني وليد الركراكي أكد بلي مازال عندهم طموح فكأس العالم وقال: "مازال ما درنا والو وخاصنا نفكرو فالماتش الجاي".