هاكيفاش دازت الحصة التدريبية ديال المنتخب من بعد ماتش جورجيا

دار المنتخب الوطني المغربي الحصة التدريبية ديالو اليوم الجمعة العشية فقطر، ورجع لمقر الاقامة ديالو فالدوحة وهاذي من بعد الماتش اللي لعبو البارح ضد جورجيا.
الحصة التدريبية ديال المنتخب الوطني المغربي اللي دار هاد العشية هي أطول حصة له ملي وصل لقطر، وكانت خفيفة من ناحية التمارين الرياضية.
وركز الناخب الوطني وليد الركراكي والطاقم التقني ديال المنتخب فالحصة على اللياقة البدنية ديال اللعابا وحيدو عليهم لعيا ودارو لهم تمارين خفيفة وعدد من اللعابا اللي شاركو البارح تريناو بوحدهم.
اللعابا ديال المنتخب الوطني المغربي بخير وصحتهم مزيانة، وما كيناش الإصابات وسط منهم، والأجواء داخل المعسكر زوينة ومن بعدما تدربو رجعو لوطيل باش يرتاحو.