الهريف ديال طاشرون كبير خوه برلماني على الأرض.. لاپيجي كتحقق مع اللي جاب كلتوم باش تسني فبلاصت مولات الارض

الفرقة الوطنية مامفاكاش مع الريزو اللي كيهرف على الاراضي فكازا، والحصيلة ديال الاعتقالات مزال غاديا طالعا ،في هذا السياق كشفات مصادر "كود "،ان عناصر لابين بيجي شدات هذا اليوم الاحد الشخص لي تكلف باش يجيب كلتوم عند النوطير باش توقع في العقد التاني باش اكمل عملية الهريف على الارض .
المصدر ديال "كود " صاف باللي شقيق البرلماني هو اعطاه 25 الف درهم كعمولة ملي جاب كلثوم من جيت جابها باش تقمص دور ديال حادة مولات الارض، دبا راه تحت تدابير الحراسة النظرية بتعليمات من النيابة العامة المختصة في انتظار عرضه على الوكيل العام بكازا.
المصدر نفسه قال ،ان مجموعة من الابحاث والتحقيقات مزال خدامة عليها عناصر الفرقة الوطنية لمكلف بهذا الملف باش تفك حريرة هاد الفيلم