غيابات الرجاء ضد السوالم والمدرب لكبير غادي يعتمد على حارس ليسبوار

غادي تعرف لائحة الرجاء الرياضي ضد شباب السوالم فالماتش الماتش ديال اليوم السبت فتيران البشير فالمحمدية ضمن الجولة 8 من البطولة الإحترافية لكرة القدم، غيابات مهمة.
وكيبقى أبرز غياب هو للحارسين أنس الزنيتي، ومروان فخر، والظهير عبد الإله مذكور، والمهاجم زكرياء الهبطي، فالوقت اللي كيستمر فيه غياب هيثم البهجة.
وقرر منذر الكبير مدرب الرجاء الرياضي يعتمد ضد شباب السوالم على لائحة كتضم كل من الحارس الثاني غايا وحارس ليسبوار السيوح، وفالدفاع غادي يكون هدهودي، وحركاس، ومقدم، وبدوي، وبنتيك، والناهيري.
وكتضم لائحة الخضرا لوسط الميدان كل من مجتهد، وأوهولو، والصبار، ومكعازي، وزريدة، وبنغيث، أمام الهجوم فيه بولكسوت، وحدراف، وبوزوق، ورحيمي، وبنجديدة، وخابا، ومايي.