الجديدة ضيعو الرباح فديربي دكالة عبدة ضد آسفي

سالا ديربي دكالة عبدة ما بين أولمبيك آسفي والدفاع الحسني الجديد تعادل، فتيران المسيرة فآسفي اليوم الجمعة، ضمن الجولة 8 من البطولة الإحترافية لكرة القدم، من بعدما ضيعو الدكاليين بيت الرباح.
الماتش واخا سالا بالتعادل السلبي زيرو لزيرو، ولكن اللحظات الأخير فيه كانت مثيرة، وعرفت تضييع الدفاع الجديدي لهدف الرباح حيث غادي يتحصلو الدكاليين على ضربة جزاء لكن اللعاب ديال الحديد محسن الربجة غادي يضيعها قدام التألق خالد العالمي كول آسفي اللي تصدى للكرة وعتق آسفي من الخسران فتيرانها.
وبهاذ التعادل تحصل كل فريق على نقطة، ورفعو آسفي رصيدهم إلى 12 نقطة وطلعو للمركز 6 مؤقتا، الجديدة فصبح رصيدهم 10 النقاط فالمركز التاسع مؤقتا فانتظار يتلعبو باقي المباريات.