البرايم الرابع من دريم آرتيست.. مواهب الفنون غادي يرجعو الحياة لقطع مرمية -فيديوهات

التنافس على لقب برنامج دريم آرتيست في الموسم الأول مستمر بين 9 المشاركين لي كيعطيو ما في جهدهم.
اليوم غادي يتم على قناة دوزيم بث البرايم الرابع المخصص بإعادة التدوير، والمواهب خاصهم يقدمو عمل لي نقي وزوين باستخدام متلاشيات ويرجعو ليها الحياة.
وجا في الفيديو الترويجي لحلقة اليوم أن بزاف الفنانين غادي يستخدمو بزاف التقنيات لأول مرة، وهادا هو أصل التحدي. في نهاية الحلقة متسابق غادي يخرج ويبقاو 8 لي يكملو المنافسة.
وتجدر الإشارة أن البرنامج كيسلط الضوء على الفنون المرئية بمختلف تصنيفاتها، ولي كتشمل الرسم، التصوير، ستريت آرت، ديجيتال آرت، النحت وحتى الالستراسيون، هاد الفنانين غادي يتنافسو مع بعضياتهم باش يديو الجائزة الكبرى لي هي 35.0000 درهم، وهو المبلغ لي يقدر يفتح ليهم باب النجاح ويدير أول معرض فردي.
في كل برايم لجنة التحكيم كتعطي للفنانين 10 سوايع باش يبينو حنة يديهم، والبقاء كيبقى لأحسن واحد قدم خدمة زوينة ونقية.
وتجدر الإشارة أن البرنامج وقبل ما يوصل لمرحلة البرايمات، داز من 2 مراحل، الأولى استقبل فيها 300 فنان من مختلف أنحاء المغرب، تم اختيار 23 واحد، ودابة المنافسة قائمة بين 9 ناس.
https://www.instagram.com/p/CkBGZTAKpwQ/
https://www.instagram.com/p/CkAyAQNqu-h/