مصممة من ذوي الاحتياجات الخاصة للحديوي: شفرتي لي تصاميمي وحگرتيني- تصاور وفيديو

تاهمات المصممة المغربية عائشة الرايس من ذوي الاحتياجات الخاصة والمانكان ليلى الحديوي بأنها شفرات ليها فكرة تصميم طلقاتو في فبراير لي داز ولي هو عبارة على قبية سخونة فيها لمسة مغربية.
عائشة حطات تصويرة ديال الموديل ديالها لي كانت طلقات ودارت ليه شوتينكَ برو مع بزاف المانكان، وكتبات أن الحديوي خدات نفس الموديل والديزانين، وقالت أنها دارت كوبيي كولي.
لي دخل صفحة المصممة غادي يلقى تصاور وفيديوهات محطوطين من بدية العام وكين لي شراهم من عندها باش يشجعها على الخدمة لي كتدير.
ليلى الحديوي لي معروفة بلقب البومادا صفرا وصلوها ميساجات كثيرة والناس كتبو ليها تعاليق كينتاقدوها، وهي دارت ستوريات قالت فيهم أن الموديل ماشي شي حاجة جديدة ولا استثنائية والقبيات موجودين في الأشكال والأنواع هادي سنين ومنين.
وقالت الحديوي في ستوريات على انستكَرام "واش حرام الواحد يشري جوكينكَ كحل وبغا يدير فيه الستيل ديالو، واش بعقلكم ولا سافابا. انا تآنسبيريت من افريقيا ومحطيتوش يتباع لا في سيت لا والو. بغيت نفرح براسي ودرت فيه لمسة مغربية ومن حقي ندير لي بغيت ولي عجبني".
طريقة هضرة الحديوي زادت شعلات العافية لأن كدوي كتنتر ومعفرة، ولي دار المقارنة أي لقا كوبيي كولي نيت، كون دوات غ زوين كون بردات الوقت.
https://www.instagram.com/p/CaXctb1sFIZ/
https://www.instagram.com/p/Cjyry-NoHCQ/
https://www.instagram.com/p/CjyTWojD-nX/