ها الخصوم المحتملين ديال الوداد والرجاء فكروبات شومبينزليك

غادي يتفادا كل من الوداد والرجاء الرياضيين مواجهة بيناتهم فدور ليكروب من دوري أبطال أفريقيا، حيث الفريقين معا جا فالنيفو الأول ديال الفرق فلافريك.
الوداد حامل لقب دوري أبطال إفريقيا والرجاء جاو المستوى الأول قبل سحب قرعة دور المجموعات إلى جانب فرق الأهلي المصري اللي كان وصيف فالنسخة الماضية، والترجي التونسي.
النيفو الثاني فكيضم كل من صن داونز الجنوب إفريقي، والزمالك المصري، وبيترو اتليتيكو الانكولي، وفريق حوريا كوناكري الغيني.
وبالنسبة للمستوى الثالث فكاين فيه شباب بلوزداد الجزائري، والمواطن ديالو شبيبة القبائل، وسيمبا التنزاني وفريق الهلال السوداني.
أمام النيفو الرابع ففيه كل من القطن الكاميرون، والمريخ السوداني، ووفايبزر الاوكاندي والفريق اللي غادي يتأهل من ماتش فيتاكلوب الكونكولي ورايل كلوب من بوركينا فاسو.
وطبعا الوداد والرجاء غادي يتحنبو يواحهو بعضيتهم فدور ليكروب، وغادي يتجنبو أيضا مواجهة كل من الأهلي المصري والترجي التونسي حيث معهم فنفس النيفو، فانتظار إجراء القرعة ديال البطولة فشهر أكتوبر اللي جاي.