وادزم استاعن بثنائي ديال الرجاء باش يطلع للقسم الاول

غايلتحق الرجاوي السابق رشيد السليماني بفريق سريع وادزم، من أجل العمل فالطاقم التقني ديالو إبتداء من الموسم اللي جاي.
وغايتولى رشيد السليماني مهمة المدرب المساعد ديال الرجاوي السابق محمد الكباري، اللي حتى هو وقع مؤخرا مع سريع وادزم باش يدربو العام الجاي، من بعد نهاية التجربة ديالو مع الرجاء.
للإشارة فسريع وادزم غيلعب هاذ العام على الصعود للقسم الوطني الأول، وبالتالي فالمهمة ديال الثنائي الرجاوي هو إعادة الفريق للمكان اللي كان فيه من بعدما نزل الموسم الماضي للقسم الثاني.