عاجل. الأرصاد الجوية فنشرة إنذارية: الحرارة غتوصل حتى ل46 درجة فعدد من البلايص وها وقتاش بادية هاد الموجة الجديدة

الحرارة مزال كاينة. المديرية العامة للأرصاد الجوية خرجات، اليوم الأربعاء، فنشرة إنذارية جديدة من مستوى يقظة برتقالي كتقول فيها باللي المرتقب أن تعرف عدد من أقاليم المملكة أيام الجمعة والسبت والأحد طقسا حارا (بين 40 و46 درجة).
المديرية وضحات باللي غادي يتم تسجيل درجات حرارة تتراوح ما بين 40 و 43 درجة، يومي الجمعة والسبت بكل من مولاي يعقوب، فاس، مكناس، تاونات، وزان، الخميسات، سيدي سليمان، سيدي قاسم، الفقيه بن صالح، خريبكَة، بني ملال، سطات، مراكش، الرحامنة وقلعة السراغنة.
وتوقعات المديرية فهاد النشرة باش تتسجل درجات حرارة تتراوح بين 42 و46 درجة، يومي السبت والأحد بكل من الرشيدية، زاكَورة، طاطا، تارودانت، أسا-الزاكَ، السمارة وداخل أقاليم الصويرة، كَلميم، بوجدور، أوسرد وواد الذهب.