بعدما تفارقو رسميا.. شاكيرا وبيكي سافرو لنفس البلاصة – تصاور وتغريدة

في أول ظهور ليهم من بعد إعلانهم الرسمي على الإنفصال، سافرات شاكيرا وصاحبها السابق بيكي لدولة التشيك باش يتفرجو فبطولة البيسبول اللي شارك فيها ولدهم الكبير ميلان.
وكان علن مدافع نادي برشلونة، جيرار بيكي، وصاحبتو المغنية الكولومبية بشكل رسمي انفصالهم من بعد 12 عام ديال العشرة والحب، واللي توجات بجوج دالوليدات.
شاكيرا وبيكي دارو بيان مشترك قالو فيه "كنتأسفو لتأكيد انفصالنا. وكنطالبو باحترام خصوصية أطفالنا اللي هوما على رأداس أولوياتنا".
هاد الإعلان على الإنفصال جا من بعد أيام قليلة من نشر الصحف الإسبانية خبار على المشاكل اللي ولات فالكوبل، خصوصا بعدما ضبطات شاكيرا صاحبها كيخونها مع وحدة عندها 20 عام، حسب وسائل إعلام محلية.