مول الزبل لملايري البدراوي فعشا فكازا: ما عنديش باگيط ماجيك وما عمرني وعدت نعطي 2 او 3 مليار للراجا

علمت "كود" ان رؤساء سابقين للرجا تجمعو البارح فدار شي حد اسمو الهواري فكازا. الاجتماع دارو هاد الهواري لصاحبو الملياردير عزيز البدراوي، الرئيس المدير العام لمجموعة "أوزون".
وحسب مصادر "كود"٬ فخلال هاد الاجتماع٬ قال عزيز البدراوي اللي داير كلشي باش ياخد رئاسة الرجاء البيضاوي٬ باللي ما عندوش باگيط ماجيك باش يصلح البيت الاخضر.
الملياردير مول الزبل زاد باللي ما عمرو سبق ليه ووعد باش يحط جوج او ثلاثة مليار فالنادي.
وباش ما قادرش تجيب لفلوس اش بغات بيك فرقة بحال الراجا.
السيد حوم على المغرب الفاسي وعلى الدفاع الجديدي وعلى الوداد البيضاوي. كان كيدير السبونسورين وفنفس الوقت كيبغي يدخل للمكتب. لكن هادو كلهم رفضو ليه. الحمرا اللي كان طلب الانخراط فيها٬ كيف كشفات "شوف تيفي"٬ رفضات حتى يكون سبونسورين فوقت سابق.
دابا كلشي معبد ليه باش ياخد الراجا. جاها وقت الازمة