مذكرة اعتقال دولية خرجات من فرنسا فحق كارلوس غصن اللي كان سلت من الجابون

كشفات وسائل إعلامية ففرنسا بللي السلطات القضائية الفرنسية صدرات مذكرة توقيف دولية فحق القطب السابق لصناعة الطوموبيلات كارلوس غصن اللي تشد فاليابان نهاية 2018 وهرب فظروف مثيرة عام من بعد.
هاد المذكرة عندها علاقة بأكثر من 15 مليون يورو من مدفوعات مشبوهة بين تحالف "رينو ونيسان" اللي كان يترأسه غصن وشركة عمانية هي "سهيل بهوان للسيارات"، كيف قالو المدعون ضواحي نانتير في باريس.
قاضي التحقيق فنانتير المكلف بهاد القضية صدر 5 مذكرات توقيف دولية استهدفت، بالإضافة إلى كارلوس غصن "الملاك الحاليين أو المديرين السابقين لشركة سهيل بهوان للسيارات العمانية".