أخنوش كلاشا "البي جي دي": كاسيطة 17 مليار كذوب وعامين هادي كتروجوها.. ودرتو لينا أزمة فالكَاز اللي كنجيبو من الدزاير وشفتو النتائج ف8 شتنبر وياريت نلقاو شي حد ياخد "لاسامير"

عزيز أخنوش، رئيس الحكومة، كلاشا عبد الله بوانو القيادي فحزب العدالة والتنمية، وقال بللي داكشي اللي كيقول على أرباح شركات المحروقات ب17 مليار درهم كذوب، وبللي هادي كاسيطة كيعاودوها منذ مدة.
وأضاف أخنوش، خلال جلسة المساءلة الشهرية اليوم الاثنين، "كنشوفو الهوامش وداكشي الىي كتقول أبوانو راه كذوب، وسبق للوزيرة شرحات هادشي ومسجل في تصريحات".
وأوضح أخنوش مخاطبا بوانو "عندك شي غلط بعدما خرجتو البترول من المقاصة، واش بغيتو ترجعوه للمقاصة،ط؟ أكيد رئيسك ماغاديش يبغب".
تابع :"هاد الأسطوانة كتروجوها عامين هادي وشفتو نتائج الانتخابات، والمغاربة عارفين وختارو توجه جديد".
وكشف أخنوش بللي" الحزب اللي رفع الأسعار وحرر البترول وهو 10 سنين اللي شد الحكومة، ماقدروش يوفرو مخزون استراتيجي".
والخطير اللي كشف عليه أخنوش، هو فاش قال" هاد الحزب خلانا حتى لآخر لحظة وقال الكَاز مع الدزاير مابقاش ".
وشدد المتحدث بأن المغاربة عاقبوا الإسلاميين في 8 شتنبر وقطعو مع التوجه ديالهم وعطاو الأصوات لتوجه جديد، مؤكدا بللي الحكومة قادرة تواجه الأزمة.