التصرفيق فالاوسكار. ويل سميت صلاها مع كريس روك بسباب مراتو: خلي عليك مراتي على فمك الخايب

كلشي كان يسحاب ليه راه غير سينما وتمثيل فحفل توزيع جوائز الاوسكار قبل ساعات. ويل سميت ناض وصرفق الكوميدي كريس روك لانو شد فمراتو جادا بينكيت اللي كانت باركة حداك.
الكوميدي شد فيها بسباب راسها القرع قال عليها "راني صابر وكنتسنى يا جادا "جي اي جاين 2". ويل سميت ناض من بلاصتو ومشى حتى وقف حتى كريس روك وصرفقو. كاع المعروضين والمعروضات صحبوها اتفاق بيناتهم حتى هادوك اللي كانو حدا الممثل.
رجع سميت لبلاصتو وغوت موجه كلامو للفنان الكوميدي "خلي عليك مراتي وما تبقاش تجبدها على فمك الخايب". باش كلشي كيفاش تعصب الممثل عاد فهمو باللي القضية راها معقولة.
الممثل اللي دا جائزة اوسكار احسن ممثل عن دورو ففيلم "الملك ريتشارد" وجسد حياة والد نجمتي التنس فينوس وسيرينا ويليامس٬ اعتاذر ولكن بعد ما فات الفوت. قال للاكاديمية "راه الحب كيخلي الواحد يدير حوايج مصطية