بعد عام كحل بيناتنا.. زيارة قبل رمضان لوزير خارجية الإسباني للمغرب غاتبعها زيارة لرئيس الحكومة

قالت وزارة الشؤون الخارجية الإسبانية أن الوزير الصبليوني غيدير زيارة للمغرب فنهاية هاد الشهر وقبل رمضان للمغرب.
هاد الزيارة اللي غتبعها، حسب وزارة الخارجية، زيارة ثانية من طرف رئيس الحكومة بيدرو سانشيز، جات بعد الانفراج اللي عرفاتو العلاقات بين البلدين بعد عام كحل فتاريخ العلاقات المغربية الاسبانية.
الانفراج جا بعدما الصبليون طاحو للارض وعتارفو بان مشروع الحكم الذاتي للصحرا، هو الحل الاكثر عقلانية وجدية لحل المشكل، يعني البوليساريو تكب الما فكرشها، والجزائر غير تسعر كيف بغات، حقاش دابا دوليا تم عزلهم، وغايبقاو غا بوحدهم.
الانتصار المغربي فقضية الصحرا كيجي بعد انتصارات متتالية للملك، وكنقولو انتصارات للملك ماشي للدبلوماسية المغربية، حقاش البلاغات كتصدر على الديوان الملكي فهكذا قضايا كبرى كيتحرك فيها الملك وكيجيب الانتصارات فهاد القضية لي كتشغل بال كل المغاربة.