فعملية شارك فيها "يوروبول" وبوليس الصبليون وفرنسا وبلجيكا.. اعتقال مغربي من بين أكثر المهربين المطلوبين عالميا فبرشلونة

albayancom0@gmail.com
ذكرات تقارير اخبارية، أن وكالة تطبيق القانون الاوربية "يوروبول" بتنسيق مع بوليس الصبليون وفرنسا وبلجيكا تمكنو من اعتقال بارون مخدرات مغربي من بين أكثر المهربين المطلوبين عالميا ف برشلونة، بعد تحريات وتحقيقات استمرات تقريبا 4 سنوات على ريزو منظم ديال تهريب الحشيش والكوكايين للتراب الاوروبي.
وتم اعتقال المتهم اللي عندو علاقات مع كارتيلات كولومبية ف مداهمة وسط حي سكني وتم استعمال هيلوكوبتر مزودة بكاميرات حرارية لنقل تفاصيل الاعتقال عبر بث مباشر بمقر الشرطة الاقليمية الكتالونية وتابعه ايضا مسؤولين أمنيين من الدول اللي شاركات ف التحريات حول هاذ الريزو اللي كان كيهرب الحشيش من المغرب والكوكايين من أمريكا اللاتينية لأروبا بطرق ذكية بحال كما موقع ف ميناء برشلونة بعد ضبط شحنة من المخدرات معباة ف كتل ضخمة ديال الاسمنت.
ويعتبر الموقوف من أبرز المطلوبين عالميا بسباب تهريب المخدرات والاتجار الدولي فيها واستغلال شركات قانونية لغسل الاموال واستثمارها بشكل شرعي ف مشاريع، كما تم اعتقال 16 شخصا أغلبهم مغاربة بسبب علاقتهم بهاذ البارون اللي واخا لاباس عليه كان عايش حياة التقشف ومانع على أفراد الريزو ديالو يعيشو ف الرفاهية وساكن ف حي عادي ف برشلونة وهاذ الشي هو اللي خلا يوروبول وبوليس بلدان أوروبية يديرو تحريات مدة 4 سنين على شخصية إجرامية ما معروفش عليها بزاف ديال التفاصيل..
https://www.elperiodico.com/es/barcelona/20211214/helicoptero-detenido-capo-de-la-droga-barcelona-interpol-12979231