وهبي هدد مسؤول الثقافة بتارودانت: الدور ديالي هو الأمن والمحاكم والمؤسسات كلها كتشتغل معايا.. ولون تقاشرك عارفهم

هدد عبد اللطيف وهبي، وزير العدل ورئيس جماعة تارودانت، خلال حفل تدشين المركز الثقافي لتارودانت السبت الماضي، أمام الملأ، المسؤول الاقليمي لوزارة الثقافة باقليم تارودانت، بالقول :"أنا وزير العدل، الدور ديالي هو الأمن، هو المحاكم، المؤسسات كلها كاتشتغل معايا".
وهبي الأمين العام لحزب الأصالة والمعاصرة، زاد انتقد المسؤول الإقليمي للثقافة، بحضور وزير الشباب والثقافة والتواصل، المهدي بنسعيد، المنتمي بدوره لحزب البام، بالقول :"كولشي خدام معايا، وأنا عارف عليك كولشي"، مضيفا :"حتى اللون ديال تقاشرك عارفهم".
https://fb.watch/9PqiB7p3tJ/
هاد الكلام تقال، وفق شريط فيديو، أمام الوفد الرسمي المكون من وزير الشباب والثقافة والتواصل وعامل إقليم تارودانت ورئيس المجلس الإقليمي لتارودانت وعدد من الفعاليات.
كيف العادة وهبي مدارش لا كمامة ولا احترم الإجراءات الاحترازية، استغل صفتو كوزير رغم أنه كان حاضر بصفته رئيس جماعة تارودانت، وخاطب بلغة تهديدية مسؤول الثقافة اللي أصلو من الأقاليم الجنوبية.
ماشي أول مرة كايدير وهبي فحال هاد الخرجات، وسبق ليه زبلها فالعفو الملكي على معتقلي الريف قبل ما يتراجع عن تصريحاته.
https://fb.watch/9OV_MHkNv8/