هادي لمنيب والعشعاشي وصحاب العدل والنهج وصحابات بيل گيگس واخواتها.. النمسا: غاديين نسدو كلشي على اللي ما دارش الڤاكسان

دابا النمسا الدولة الديموقراطية العريقة ناضت لهادوك اللي ما بغاوش يتلقحو. من حقهم ما يتلقحوش ومن حق الدولة تسد عليهم. ماشي فبلاصة وحدة اللا. ما يمكن ليهم لا يدخلو لقهاوي لا الريسطورات لا المسارح لا السينمات .... لا السفر مع اللي ملقحين.
هاد الشي تخداتو النمسا بعد ما ارتفع عدد الحالات ديال كورونا. مقاطعة النمسا العليا غادية تبدا هاد القيود من يوم الاثنين فحالة الى عطاتها الحكومة الفيدرالية الضوء الاخضر.
المستشار النمساوي ألكسندر شالنبرگ قال باللي إن الإغلاق الوطني اللي كيستهدف غير الملقحين "ربما لا مفر منه".
وقال إن ثلثي الناس يجب ألا يعانوا لأن الآخرين كانوا مترددين.
هاد الشي اللي خاصنا نطبقوه فالمغرب ولكن بتواصل ذكي وفعال ماشي ديال الداخلية والصحة. خاص التيرانات يتفتحو وخاص الكاباريات يتفتحو ولكن غير للملقحين. ممنوع شي حد غير ملقح يدخل لقهاوي ومطاعم ويركب فتران. من حقو ياخد وثائقو الادارية بعد ما يجيب البي سي ار سلبي ولكن يرجع لدارو ويسافر فطونوبيلتو ولا مرض بكورونا يتحمل نفقات علاجو. الدولة ما تكلف بوالو.
هذا هو الحل مع امثال نبيلة منيب والعشعاشي وصحاب العدل والاحسان وصحاب النهج وصحابات "بيل كيكس"