لمغاربة اللي دارو هروب هوليودي فمايوركا تشدو منهم 12 وتضارب على اللي باقييين هاربين.. ومول موتة حمارة تشد وها اللي كيتسناه

قالت قناة "24 اورا" الاخبارية الاسبانية ان عدد المعتقلين فقضية الهروب الهوليودي لمغاربة من طيارة تابعة للعربية" كانت غادية لاسطمبول ف"بالما" لمايوركا٬ وصل 14 شخص. واوضحت انه مازال البحث عن باقي الفارين من المطار.
وشبهت صحف اسبانية هاد الهروب بما يحدث في مسلسل من مسلسلات تنفليكس. غير ان الصحف الاسبانية تباينت بخصوص عدد المعتقلين او عدد اللي مازال هربانين. فالقناة الاسبانية "اولى 24" قالت باللي مازال البحث عن 12 شخص كان فالطيارة وهرب٬ فيما اكدت جريدة "دياريو مايوركا" ان مجموع للي هرب 21 شخص وانه تم اعتقال 12 اي مازال 11 هاربانين.
من بين المعتقلين الشخص اللي ادعى باللي سخف حقاش مريض بالسكر وهو اللي استدعى الهبوط المستعجل للطيارة. هاد المواطن قبل ما يجريو عليه ممكن يتابعوه ويحاكموه فيما يتوقع يرجعو الباقي للمغرب.
دابا مازال التحقيق على واش هاد الشي كولو جا صدفة ولا كان مخطط ليه. اللي توصل ليه التحقيق غادي يكون محدد لطبيعة التعامل مع الباقي.