مغاربة ولادهم معذبين ف ليبيا صرحو ل"كود": ولادنا كيحرثو عليهم تما ومعيشينهم فالقمل و كينعسو على الضس – فيديو

المغاربة لي ولادهم مشدودين فليبيا دارو وقفة عوتاني اليوم الاثنين ف الرباط، قدام مقر وزارة الخارجية والتعاون الإفريقي و المغاربة المقيمين بالخارج، باش يطلبو من الوزير ناصر بوريطة يرجع ليهم ولادهم ولكن كاعما تسوق ليهم و معطاهمش وقت.
هادي دابا 12 المرة وهوما كيخرجو للشارع باش الدولة ترجع ليهم ولادهم ولكن كل مرة كيقولو ليهم رجعو بعد 15 اليوم و مكيديرو معاهم والو و هادشي خلاهم يهزو شعار " لا مسؤول لا وزارة و الوعود الكاذبة".
واحد من هاد الناس صرح ل"كود": ولادنا كيحرثو عليهم ف ليبيا ومعيشينهم فالقمل و كينعسو على الضس و بزاف ديال الدراري نتاحرو، و زاد أكد لينا أنهم غادي يبقاو كيديرو إعتصام حدا الوزارة المعنية حتى يرجعو ليهم ولادهم.
التفاصيل ف الفيديو