خبير أسلحة ف هوليود: أليك بالدوين ماحتارمش القاعدة الرئيسية ف استعمال أي سلاح كيفما كان

قال بريان كاربنتر، خبير الأسلحة النارية في هوليود، أن الممثل أليك بالدوين ماحتارمش القاعدة الرئيسية ديال السلاح، فاش الواحد يشد الفردي ويقابلو مع المرا أو الراجل اللي قدامو.
وقال المتخصص أن المنطق كيقول أنك عمرك ماتحط السلاح على شي واحد ماباغيش انت تقتلو، وشدد أن السلاح ف التورناج خاص يكون مقابل مع مونيكا مثلا وماشي الممثلين أو الفريق.
وشدد بريان أن أي ممثل خاص ديما يتعامل مع السلاح بحالا مشارجي ديال بصح باش يتفادا بحال هادشي اللي وقع مع الممثل العالمي أليك بالدوين اللي صدق قاتل مديرة تصوير ديال فيلمو اللخر "راست" وجرح المخرج، فالوقت اللي ماكانش عارف بللي الفردي مشارجي بالقرطاس ديال بصح.
دبا القضية مزال لونكيط فيها مستمرة.