سلوك حقير. مواطن كيتسابق مع لامبيلاس وسط كازا – تصاور طونوبيلتو

السبت 21 غشت فالظهر٬ كانت امبيلانس جاية من فطريق الجديدة فاتجاه شارع الزرقطوني فكازا. غالبية صحاب الطونوبيلات عطاوها الطريق او حاولو حقاش كانت الدنيا شوية عامرة٬ الا واحد مول دوستر اللي فالصورة.
هاد المواطن عارف ان لامبيلانس فيها مواطن حالتو خطيرة ولكن فاللول رفض حتى يعطي ليه الطريق، بقى لمدة حتى فالسو تيران اللي كاينة فتقاطع غاندي طريق الجديدة٬ حتى باش ولات لومبيلانس قدام هاد الطونيلة٬ بقى صاحبنا لاصقو وتابعو باش ما يتعطلش.
مول الدوستر تصرف تصرف كيعاقب عليه القانون. المشكلة ان الطريق ديك النهار ما كانتش عامرة بزاف كيف وسط الاسبوع ومع ذلك اصر هاد صاحبنا على سلوكو المنحط.