بعدما قالو فيه العرا.. "أنستكَرام" رجع طلب المسامحة حيت مسح لابوند أنونص ديال فيلم بينيلوب كروز

قدمات شركة "أنستكَرام" على لسان شركتها الأم "فايسبوك" اعتذارها الرسمي بعدما مسحات لابوند أنونص ديال الفيلم الجديد اللي كاتلعب فيه بينيلوب كروز البطولة، من إخراج بيدرو ألمودوڤار، حيت قالك فيه العرا بعدما بانت بزولة خارج منها قطرة ديال الحليب، وهي نفس الصورة اللي كانت ف لافيش ديال الفيلم.
الناطقة باسم شركة "فايسبوك" قالت في تصريح لوكالة "فرانس برس": "بزاف المرات كانمسحو المنشورات اللي كاتنتاهك قواعد ديال العرا، لكن ملي كانعرفو أن التصويرة غادة في سياق الفن كانديرو الاستثناء".
ووضحات المتحدثة أنهم رجعو كَاع التصاور اللي مسحو ديال لابوند أنونص واعتاذرو من المسؤولين على الفيلم.