طيحات مايكل جاكسون وليدي كَاكَا.. بيونسي جات اللولة ف تصنيف "أحسن فيديو كليب ف العالم" – فيديو

خدا فيديو كليب "Formation" ديال المغنية الميريكانية بيونسي، المركز اللول ف طوب 100 كأفضل فيديو كليب، حسب تصنيف مجلة "رولينكَ ستون" (The Rolling Stones).
الفيديو، اللي تنتج عام 2016، وهو من إخراج "ميلينا ماتسوكاس"، دابا ولا كايتعتبر أحسن واحد، فلاليست ديال "أعظم 100 مقطع فيديو كليب على الإطلاق".
والفيديو باش ياخد هاد المركز طيح فيديوهات خرين مشهورة، بحال "Billie Jean" ديال مايكل جاكسون، و"Kiss" ديال برينس، و"Bad Romance" ديال ليدي كَاكَا.
وحسب المخرجة ماتسوكاس، ف بيونسي كانت بغات الفيديو يبين "التأثير التاريخي للعبودية على الحب الأسود (أي منع الزواج من الأمريكيين من أصل إفريقي)، وشنو دار للأسر الإفريقية"، كيف قالت لجريدة "ذي نيويوركر" عام 2017.