اغلاق الريسطورات والقهاوي مع التسعود عبث اقتصادي.. ومول مطاعم فالعاصمة ل گود": تقهرت ومبغيتش نطرد العمال.. وانا مبغيتش الدعم بغيت الحكومة تخلينا نخدمو مع للي دارو الفاكسان ونتحملو المسؤولية

صحاب المطاعم والبيران والمقاهي كاعين بزاف، فلا حديث داخل هذه المحلات التي تشغل الالاف من العمال، سوى على القرار الحكومي الجديد، حيث عبر بعضهم عن استيائهم من الاغلاق المبكر، مشيرين الى ان اغلب الحالات التي سجلت ليست بسبب فتح هذه المحلات بل نظرًا للنشاط السياحي وتبادل الزيارات العائلة والاكتظاظ في الشواطئ والحافلات.
مول مطاعم فالرباط، هضر مع "گود" وقال بصريح العبارة :" انا مبغيتش الدعم ديال الضمان الاجتماعي، انا كنخلص الخدامة وخلصتهم طيلة الكونفينمون، اللي بغيت هو الحكومة تخلينا نخدمو، دبا انضطرو نسرحو العمال".
واوضح ذات المصدر :"حنا مستعدين نديرو التزام باش ندخلو فقط اللي عندهم جواز التلقيح ويكون شرط الدخول، واللي خرق هادشي يسدو ليه".
دبا هذا مثال واحد من العشرات من المستثمرين فقطاع المطعمة والبيران والمقاهي، اللي كولهم كاعيين، طبعا ماشي كلهم كيلتزمو بالاجراءات. ولكن فيهم اللي ملتزم لاقصى حدود، وكيشوف هاد القرار اللي دارت الحكومة خاص تصدا ليه المعارضة، وشفنا كيفاش فدول اخرى طيحو قرارات حكومية وتصداو ليها. طبعا المعارضة البرلمانية فالمغرب غير على قد الحال.
الحكومة دارت حظر تجوال ليلي وفرضات اغلاق المحلات والمطاعم والمقاهي ابتداء من التاسعة ليلا الى حدود الخامسة صباحا.