عيالات لفريز فاسبانيا غايهزهوم الما. الصبليون مشاو دارو اتفاقية مع الهندوراس باش يجيبو العمال منها وكثار منهم واحلات تماك

قالت وسائل اعلام اسبانية، ان السلطات دارت اتفاقية مع الهندوراس، باش تجيب العمالة من عندهوم باش يخدمو فالحقول الفلاحية.
وزادت انه بعد اشتداد الازمة بين البلدين، مشات السلطات ووقعات الاتفاقية باش تجيب العمال من الهندوراس، وهذا يعني انه ماغايبقاوش يجيبوها من المغرب.
وقال مصدر فارباب الضيعات الفلاحية باسبانيا، أنه كانو كيلقاو بزاف دالمشاكل مع المغرب، من بينها أنه دابا ملي تسدات الحدود المغرب ماباغيش يرد العاملين بعدما سالاو الخدمة، وأن الفلاحين الاسبان طلبو عشرين الف عامل ولكن المغرب كيصيفط ليهم غير 14الف.
وزادو ان هاد المشاكل كانوا من شحال هادي، وهادشي لي خلا المزارعين يطلبوا فيونيو ديال العام لي فات انه يتم طلب عمالة من دوبة اخرى، خاصة وان العمال المغاربة كاين منهوم الاف مكيبغيوش يرجعو لبلادهوم.