الصبليون مازال زايدين فيه. صحيفة اوكيدياريو كشفات دخول قيادي فالبوليساريو لاسبانيا واخا الحدود مسدودة وصوراتو فالصبيطار

صحيفة "اوكيدياريو" الاسبانية، دارت واحد السكووب، فضحات فيه دخول القيادي فالبوليساريو سالم لبصير اليد اليمنى ديال ابراهيم غالي، بشكل سري لاسبانيا.
وقالت الصحيفة، أن الجناح لي كاين فيه ابراهيم غالي كيحضيوه ثلاثة دالناس، ويلا ماكنتيش من عائلتو مايخليوكش دوز، ولكن ستلم لبصير كان فنفس الجناح.
وقالت الصحيفة ان لبصير لي هو وزير اعادة الاعمار والتعمير فالحكومة الوهمية دالبوليساريو، ماجاش مع غالي فالطيارة، لأن لي جاو معاه طبيب وأحد أقاربه، ولكنه قدر يدخل بطريقة غير معروفة.
وزادت الصحيفة ان لبصير دار لقاء نهار الاحد مع عبد الله حماد مندوب البوليساريو فمنطقة لاريوخا، وكان اللقاء سري فأحد الفنادق وبقاو لداخل شي ثلاثين دقيقة فغرفة فيها الستائر باش مايقدر حد يصورهم، ومن بعد خرج الاول وتبعو الثاني بعد خمسة دقائق.
الصحيفة قبل كانت تاصلات بعبد الله حماد وسولاتو واش سالم لبصير دخل لاسبانيا، لكنه أنكر تماما ان يكون لبصير جا لاسبانيا، وقاليهوم مستحيل يكون جا لاسلانبا لأن الحدود مع الجزائر مسدودة.
الامر لي كيطرح السؤال علاش سمحات ليه اسبانيا يدخل واش تا هو لأغراض انسانية؟
https://okdiario.com/investigacion/okdiario-caza-no-2-del-polisario-visitando-ghali-hospital-plena-crisis-marruecos-7266337