حصيلة كورونا والڤاكسان اليوم: 620 تقاسو و28 ماتو.. وكثر من 350 ألف تلقحو فالطوطال

علنات وزارة الصحة، اليوم الخميس، على تلقي 351723 مستفيد الجرعة الأولى ديال لقاح فيروس كورونا المستجد، مللي بدات حملة التلقيح الخميس اللي فات.
وحسب نشرة كوفيد 19 اليومية، تقاسو اليوم 620 واحد من أصل 11729 واحد دار التحليلة اليوم، ووصل عدد المصابين فالمجموع ل473667.
وصل مؤشر الإصابة التراكمي ل1303,3 لكل 100 ألف نسمة، بمعدل 1,7 لكل 100 ألف نسمة فهذ 24 ساعة.
وماتو اليوم 28 واحد، وبلغ الإجمالي 8351، بنسبة فتك ديال 1,8 فالمية.
وتشافاو اليوم 742، ووصل الإجمالي ل452522، بنسبة تعافي 95,5 فالمية.
وتحددو عدد الحالات النشيطة ف12794، وعدد الحالات الحرجة ف622 حالة، ومعمرين دابا أسرة الإنعاش بنسبة 19,7 فالمية.
ومن الحالات الخطيرة، 67 تدهورات حالتهم اليوم، و58 تحت التنفس الاصطناعي الاختراقي.
وكتتوزع الإصابات والوفيات الجديدة على الجهات والأقاليم كما يلي:
وهذا المنحى الوبائي اليومي والشهري: