فيديو القاصرين فكناريا.. ادارة المركز: الدري لي كان طايح هدد المدير والعاملين بمقص

قالت صحيفة كنارياس7، أن فيديو القاصرين لي منوض الروينة هاد الأيام، واللي وقع فمركز تيندايا فمنطقة تافيرا فلاس بالماس دي غران كناريا، عند وجه اخر من غير ما تم تصويره.
وأضافت الصحيفة، أن الدري لي كان طايح فالأرض، هدد المدير والعاملين فالمركز بمقص، مضيفة انه حتى الطيوح ديالو غير تبوحيط، وملي جات المساعدة الطبية ناض وقف بشكل عادي وماكان فيه والو.
وتسبب الفيديو فضجة كبيرة فإسبانيا والمغرب وصل صداها للخارجية المغربية، اللي حتجات على السفير الاسباني على واقعة التعذيب.