الفيرمة ديال مايكل جاكسون "نيڤرلاند" تباعت ب22 مليون دولار.. وها شكون شراها

ب 22 مليون دولار، وأقل بزاف من السعر الأصلي اللي كان محدد تتباع بيه، شرا الملياردير الأميركي رون بوركل مزرعة "نيفرلاند" اللي كان كيملكها ملك البوب الراحل، مايكل جاكسون.
وقال الناطق باسم رجل الأعمال المقيم في ولاية مونتانا لAFP، أن رون بوركل اللي كيستثمر فقطاعات مختلفة تشمل المتاجر الكبرى وصناعة الموسيقى، قدر يشري الفيرمة بفضل "الفرصة المصرفية العقارية" اللي كيقدمها.
وبوركل كان مستشار مالي ديال جاكسون، وكان عاونو باش يدفع الديون اللي تراكمات عليه، بسبب الإسراف ديالو فسنوات حياتو الأخيرة.
وكانو طالبين ورثة جاكسون فالفيرمة 100 مليون دولار، فيحين كان خداها ملك البوب فالثمانينات ب19.5 مليون دولار.