رجاء بلمير: جاتني كورونا وما قلتها لحتى واحد باش ما نخلعش عائلتي.. ودابا ممكن نكون تصابيت بالفيروس للمرة الثانية

كشفات الفنانة رجاء بلمير على انها تصابت بفيروس كورونا في شهر أكتوبر لي فات، وهادشي ما علناتوش للمتتبعين ديالها في هاديك الساعة وفضلت أنها ما تقول والو حتى تتشافى.
رجاء بلمير نشرت ستوريات على حسابها في انستكَرام، عاودات فيهم على تجربتها مع فيروس كورونا المستجد، وقالت انه جاها وهي في سفر وبعيدة على عائلتها، وهادشي علاش ما قالتهاش في مواقع التواصل، باش ما تخلعشهم.
رجاء لي موجودة الآن في قطر وكتخضع لحجر صحي بسبب اشتباه إصابتها بفيروس كورونا للمرة الثانية، قالت أن المصحة لي دارت فيها الاختبار قالو ليها أنه فيك الأعراض ديال الفيروس، وممكن يكون جاك للمرة الثانية.
وشاركت بلمير مع المتتبعين ديالها فيديو كيوثق فترة إصابتها بالفيروس، وبانت فيه كتنفس بصعوبة.