10 سنين دالحبس للمرا اللي لاحت ولادها من الكاطريام إيطاج

حكمات استئنافية كازا على المرا اللي لاحت ولادها بثلاثة من الكاطريام إيطاج، ب10 سنين دالحبس نافذة.
المرا، اللي لاحت ولادها من شرجم فبرطمة فعمارة فالأناسي، استفدات من التخفيف بسبب اضطرابات نفسية كتعاني منها، ولو أنها تتابعات بتهم محاولة القتل العمد فحق أطفال عندها سلطة عليهم، وتسببات ليهم فجروه بليغة نعسو عليها فالسبيطار، وأصغرهم (11 شهر) كان كيسارع الموت بسبب نزيف داخلي فالراس.
وكان سبق للأب تنازل على متابعة الزوجة ديالو، والمحكمة تابعاتها باعتبار التهم اللي موجهة ليها من جرائم الحق العام.