الملياردير الجديد الطرمباطي عند الفرقة الوطنية. معطيات جداد كتغرقو. فين لكتاب اللي فيه الوثائق المصادق عليها وها علاش خالة بنالشرقي وامو مورطات

الملياردير الجديد احمد الطرمباطي اللي شرى "بروديك" للصباغة فظروف مريبة هاد الصباح راه عند الفرقة الوطنية فكازا.
ماشي هادي اول مرة من نهار تفتح تحقيق على هاد القضية اللي ليها كثر من خمس سنين
وفق معطيات حصلت عليها "كود" فالقضية غاذية وتحماض عند هاد الملياردير الجديد
اولا لكتاب اللي فيه معطيات على وقتاش تم المصادقة على شي وثايق فكابو نيگرو غبر ما لقاوهش وفق مصدر "كود"
النقطة الثانية اللي غادية تغرقو هي انو كاين شي عشرين وثيقة مصادق عليها عندها نفس الرقم (تخص عملية تفويت الشركة) ولكن فيها تواريخ مختلفة
دابا ماشي غير الطرمباطي اللي غادي يمشي فيها كاين حتى ام سعيد بنشرقي (مول الشركة الاصلي اللي تقولب) وكاينة حتى خالتو. بجوجهم خداو شي 350 مليون ولكن واش على بيع اسهمهم ولا على امور اخرى هاد الشي غادي يبينو التحقيق