الطُومُوبِيلَة اللّي هربو صحابها للجدارمية وسلطات تونفيت كانت هازة 552 كيلو ديال الكيف و59 كيلو ديال طابا

حصلت "كود" على معطيات جديدة حول العملية اللّي دارتها لجنة محلية مختلطة بمنطقة بوديل بالقرب من سد تمالوت بمنطقة ايمتشيمن بإقليم ميدلت، خلال الساعات الأولى من صباح أمس الخميس، بعدما لقات كميات كبيرة ديال لحشيش فشي طوموبيل مزال صحابها هربانين.
ووفق ما كشفت عنه مصادر "كود"، فإن داك الطوموبيل كانت محملة ب552 كيلو ديال الكيف، و59 كيلو ديال مخدر طابا. هاد العملية كانت دارتها السلطة المحلية لقيادة تونفيت ومصالح الدرك الملكي، وجاءت على إثر توصل مصالح المديرية الإقليمية للمياه والغابات بميدلت بمعلومات تفيد بوجود كميات كبيرة من المخدرات.
وكانت هاد السيارة من نوع "فورد" قد تم حجزها لفائدة البحث بعد أن تمكن 3 أشخاص كانوا على مثنها من الفرار، حيث تم إخطار النيابة العامة والبحث جار لفك لغز هاد العملية.