الحصيلة الوبائية لفيروس كورونا فهاد 24 ساعة: 77 تصابو و48 تشافاو.. الطوطال: 9074 مصاب و8041 متعافي و213 متوفي و4063 تحت المراقبة

علنات وزارة الصحة على تسجيل 77 إصابة بفيروس كورونا المستجد فهاد 24 ساعة الأخيرة، وهكذا وصل عدد المصابين فالمجموع ل9074.
وقالت مسؤولة فوزارة الصحة، فالندوة اليومية للترصد الوبائي لفيروس كورونا المستجد، أن جهة طنجة تطوان هي اللي سجلات اكبر عدد ديال الإصابات اليوم (28)، بعدها الرباط سلا ب19 حالة، وكازا سطات ب18، بعدها جهة مراكش آسفي ب7 حالات، وفاس مكناس 2، وحالة وحدة فكل من الجهة الشرقية وجهة بني ملال خنيفرة وجهة كَلميم وادنون وجهة العيون الساقية الحمرا.
وتسجلات 48 حالة شفاء اليوم، ووصل المجموع ل8041، بنسبة تعافي ديال 88,6 فالمية.
وما تسجلات حتى وفاة، وهكذا استقر الطوطال ف213، بنسبة إماتة ديال 2,3 فالمية.
وتكتشفات 68 اصابة اليوم عن طريق تتبع المخالطين، أي بنسبة 88 فالمية، وهكذا وصل المجموع ديالهم ل52413، و4063 مازالين تحت المراقبة.
ووصل مجموع الحالات المستبعدة ل479873 بعد ما خرجات تحاليلهم سلبية.
وهذا التوزيع الجغرافي للإصابات بالنسبة المئوية: