واخا دخل وخرج فالهدرة. بوريطة قال ليكم ما كايناش "عملية مرحبا" هاد العام

هاد العام ما كايناش عملية مرحبا. المغرب غادي يضيع 4 مليون مغربي او من اصول مغربية كيجيو يشمو ريحة البلاد كل عام. هاد الشي اللي بان من اجوبة ناصر بوريطة وزير الشؤون الخارجية والتعاون الإفريقي والمغاربة المقيمين بالخارج،، اليوم الثلاثاء بالرباط بمجلس المستشارين.
الوزير قال باللي هاد العملية خاص تشاف على اساس اعتبارات فرضاتها "كورونا فيروس" وزاد " "عملية مرحبا عندها تاريخ محدد، تم تجاوزه" وهاد العملية كيف شرح الوزير خاصها تشاف فالظروف ديال اليوم واللي فيها 3 اعتبارات:
اولا: هاد العملية كيف هي معروفة كتبدى من 4 يونيو وكتسالي ف15 شتنبر. دابا فتنا التاريخ وهي ما بداتش
ثانيا: ما عندناش تاريخ محدد بشكل دقيق يمتى نفتحو الحدود الدولية
ثالثا: مغاربة اوربا باش يدخلو خاص كذلك حدود دول اوربية تكون مفتوحة. هاد القضية٬ يضيف بوريطة٬ ما واضحاش. لا لحدود بين اسبانيا وفرنسا ولا الحدود بين ايطاليا وفرنسا وغيرها
يعني قال ما كاين والو. نساو مرحبا 2020
وكانت حكومة الاندلس الاسبانية المحلية قد طلبت من الحكومة المركزية الغاء هاد العملية كما كشفت السلطات الاسبانية ان المغرب لم يتصل او يخبر اسبانيا لحد الان باي اجراء. ها هو خبركم بوريطة