الجوندارم شدو عصابة فاقليم الناظور كتسرق المهاجرين الافارقة

جوندارم مدينة سلوان باقليم الناظور، شدو ليلة امس عصابة إجرامية متخصصة فترويج المخدرات و وسرقة المهاجرين الأفارقة اللي كيمشيو للاقليم باش يهاجرو لمليلية.
و الجوندارم توصلو بمعلومات على نشاط العصابة ومكان توتجدها بنفوذ جماعة بوعرك، التابع ليهم، وبناءا على هاد المعلومات تحركو ودارو كمين للمتهم الأول اللي شدوه فسيارة من نوع " ميرسدس 280 " اللي لقاو فيها أسلحة بيضاء والحشيش.
خلال التحقيق مع المتهم تبين ان العصابة كانت كتسرق المهاجرين الأفارقة باستعمال الأسلحة البيضا، هادشي لي خلا الدرك يقلب على بقية المتورطين، وتمكن من اعتقال عنصرين كانوا معاه ضمن التشكيل الإجرامي.