خبار كيفرح.. عدد الإصابات بكورونا انخافض هاد الصباح بشكل كبير.. 16 تصابو و73 تشافاو وحتى واحد مامات.. فالطوطال وصلنا ل6623

علنات وزارة الصحة، صباح اليوم الجمعة 15 ماي فالبوابة الرسمية لفيروس كورونا المستجد فالمغرب، على تسجيل 16 إصابة جديدة فهذ 18 ساعة الأخيرة، وهكذا وصل عدد المصابين الإجمالي عندنا ل 6623.
ولأول مرة من شحال هذي، عدد الإصابات كينخفض ل16 إصابة.
بالنسبة للشفاء، تسجلات اليوم 73 حالة جديدة، ووصل الطوطال ل3383.
وبخصوص الوفيات، ماتسجلات حتى وفاة جديدة هاد الصباح، وبقى العدد مستقر ف 190.
ولحد الساعة، كاينة 73882 حالة تستبعدات إصابتها بالفيروس، بعد إجراء تحاليل مخبرية خرجات سلبية.
وهذا توزيع الإصابات حسب الجهات بالنسبة المئوية