عوض يديها فقضايا الاغتصاب اللي متابع فيهم.. كيخرج فالاغاني الدينية. سعد لمجرد: الشيخ لقزابري هو لي قال لي نغني "باب الرجاء" الدينية

كشف سعد لمجرد أن أغنيت الدينية الجديدة لي خرج قبل يومين بعنوان "باب الرجاء" جات بطلب من الشيخ وإمام مسجد الحسن الثاني عمر لقزابري.
سعد لمجرد نشر ستوري على حسابو في انستكَرام كيشكر فيها لقزابري وكتب: "شكر خاص لصاحب فكرة هذا العمل، الشيخ عمر القزابري، جزاه الله خيرا".
لمجرد لي متبعو أكثر من 9 مليون شخص في الأنستكَرام طلق قبل يومين أغنية "باب الرجاء" لي ألفها وغناها معاه محمد رضا.
هاد سعد لمجرد، مابغاش يحشم، مرة مخرج اغنية على الملك، مرة على الدين، كل مرة كينقز على حاجة لي تقدر تخليه "زوين" في عين الناس وتنسيهم انه متهم بالاغتصاب في فرنسا، ماشي مرة ولكن جوج!