طبيبة خدّامة فمديرية الصحة بجهة فاس مكناس تقاصت ب"كُورُونَا" وحالتها خلقات استنفار بين الأطقم الطبية

علمت "كود"، من مصدر طبي مسؤول، أن طبيبة خدامة فمصلحة تابعة للمديرية الجهوية للصحة بجهة فاس مكناس تقاصت حتى هي مسكينة ب"كورونا" فيروس. هادشي تم التأكيد ديالو بعدما بانت نتائج التحاليل الطبية المخبرية اللّي تدارت على هاد الطبيبة "ع".
الغريب وفق ما كشف عنه مصدر "كود" هو أن هاد الطبيبة معندهاش شي اتصال مباشرة بمرضى "كوفيد"، مشيرا إلى أنها خدامة ف الإدارة. دبا الفرق الطبية كتواصل التحاليل الطبية المعمول بها فهاد الحالات لعدد من المخالطين لهاد الطبيبة المعروفة بطيبوبتها.