عاجل. بعد إصابتو بكورونا.. بوريس جونسون دخل الإنعاش

هزو رئيس الوزراء البريطاني، بوريس جونسون ، اليوم الاثنين، لوحدة الإنعاش، بعدما تزاد عليه الحال، وجاتو أعراض قوية ديال فيروس كورونا المستجد (كوفيد 19) .
وكان الطبيب ديال جونسون نصحو بضرورة أنه يجي لسبيطار سانت توماس فلندن فالعشية ديال لبارح لأحد، وبات تما ليلة كاملة، قبل ما يجيوه أعراض قوية ديال الفيروس اليوم مع 7 دلعشية، ويدخلوه للعناية المركزة، لكن وضعيتو مستقرة ومافاقدش الوعي.
وفاش مشا للسبيطار، طلب جونسون من وزير الخارجية دومينيك راب، أن ينوب عنه عند الضرورة.
وسجل ليوم جونسون فيديو كيشكر فيها الناس اللي تهلاو وقدمو ليه العلاجات اللازمة، وعملهم الشاق وتفانيهم.