ميريكان كلات الدق مع "كورونا".. الإصابات تجاوزو 300 ألف وترامب كيتوقع أعداد الوفيات بحال فالحروب

تجاوزات الإصابات بفيروس "كورونا" المستجد فميريكات 300 ألف إصابة، وهذشي اللي خلا الميريكانيين يحسو بالخلعة والخوف، خصوصا وأن ميريكان كتحتل المرتبة الاولى ديال الإصابات على مستوى العالم.
دونالد الترامب، الرئيس الأمريكي، أكد بللي هذ الظرفية غادي تكون صعيبة بزاف، وتوقع عدد الوفيات فالبلاد يزيد يرتفع أكثر، وهذ جوج سيمانات هوما اللي غادي يكونو حاسمين.
ترامب قال، فلقاء ليه من البيت الأبيضد بللي الوقت الجاي غايكون مروع، وممكن يكونو فيه أرقام مخيفة عمرنا شفناها، بحال اللي كانت فالحروب العالمية اللولة والثانية".